Matemáticas VII

Luns, 18 de maio de 2020

Comezamos a semana co noso particular día das matemáticas. Como vén sendo costume, nesta ocasión teremos operacións matemáticas de suma con levadas, suma sen levadas e restas; tamén teremos un pouco de cálculo mental e, como novidade, tamén teremos un par de problemas a resolver. Así que, sen máis dilación, imos aló!

OPERACIÓNS: SUMAS E RESTAS

Todo un clásico. Non hai moito máis que explicar que lembrarvos que a idea é que se resolva primeiro nun caderno  e despois se pase ao kahoot. Estas serán as operacións:

59 - 33 =

25 + 36 =

36 + 36 =

36 + 63 =

23 + 18 =

29 - 13 =

48 + 21 =

56 + 18 =

28 + 59 =

53 - 33 =

11 + 29 =

38 - 12 =

35 + 6 =

56 - 34 =

20 + 21 =

CÁLCULO MENTAL

Neste caso, todo o contrario que as operacións anteriores. Xa sabedes, sumas moi sinxelas nas que non é preciso facelo no papel. Débense facer de cabeza o máis rápido que se poida. Esta é a terceira semana que facemos este exercicio e, como veredes, vouno facendo cada vez máis difícil. A semana que vén teremos as primeiras restas de cálculo mental. 

RESOLUCIÓN DE PROBLEMAS

Agora que xa estamos un pouco máis familiarizados coas matemáticas a través do ordenador, véxome con confianza suficiente como para que introduzcamos a resolución de problemas. Para iso imos comezar con dous problemas, para ir probando. Ao igual que as operacións, a idea é que se resolvan primeiro nun caderno e, despois, se pase ao kahoot a dar as respostas. O kahoot non só irá sobre o resultado que debe ter cada operación, se non que preguntará aspectos internos do problema: datos, operación a realizar e, finalmente, resultado. 

Os dous problemas estarán subidos nunha diapositiva do kahoot, pero tamén os poñerei aquí para facilitarvos o labor. Lembrade: a idea é que o alumnado razoe o que deben facer, aínda están nun momento moi inicial da resolución de problemas, polo que é preciso que leamos con eles e elas os problemas para eliminar os erros de comprensión. 

Como resolvelos?

A continuación oriéntovos cunha serie de pasos que vos pode facilitar o traballo e sobre todo pode pautar o que se debe facer ante un problema:

1. Lemos o problema: se é posible coa voa intervención para facilitar o labor á rapazada.
2. Atopamos os datos e incluso podemos apuntalos. Non é preciso apuntalos como se fosen operacións. Simplemente apuntalos.
3. Que pasa no problema: buscamos palabras clave: total, juntar, unir (significa sumar) ou quitar, perder, gastar (significa restar). 
4. Debuxar o problema se fose preciso podemos debuxar o problema para visualizar que é o que hai que facer. 
5. Operación: pasamos a colocar os datos e resolvemos.
   
6. Resolución: ten sentido o que nos deu?

Problema 1: 

Son las 5 de la tarde y es hora de salir a dar un paseo. Llevas 6 euros y decides ir a la tienda de chucherías a comprar unos gusanitos. Gastas 2 euros. ¿Cuánto dinero te queda?

Problema 2:

Aprovechamos la cuarentena para recoger los juguetes y te encuentras que tienes dos cajas de coches de juguete. La primera caja tiene 25 coches y la segunda caja tiene 46 coches. ¿Cuántos coches tienes en total?

Como vén sendo costume. Os Kahoot estarán dispoñibles por unha semana. Ata o vindeiro:

Domingo, 24 de maio de 2020, ás 20:00

E para despedirnos, hoxe déixovos un deses momentos musicais que tanto me gustan. Tendo en conta que as matemáticas e a música eran, para os antigos gregos, unha mesma cousa -Pitágoras e os seus adeptos foron dos primeiros músicos e matemáticos, todo a un mesmo tempo-, pois non atopo mellor forma de brindar a ese pasado que con isto: jazz con toques bebop. Aló imos!