Ciencias da Natureza I - Experimento

Mércores, 1 de abril de 2020

E xa chegamos ao mércores, día de Mercurio. Hoxe vai ser o día da ciencia e para tal finalidade, vos propoño que realicedes un sinxelísimo experimento en casa chamado:

AS FRECHAS MÁXICAS

Materiais que precisamos:

• 1 vaso de cristal o máis grande que poidades
• Auga do grifo nun recipiente calquera
• 1 folio
• Cores ou material para pintar no folio  
• Tesoiras (opcional)

Un bodegón

 

Procedemento:

1.- Comparamos o tamaño do folio co vaso que atopamos en casa. Deste xeito nos aseguramos pintar as dúas frechas dentro do tamaño máximo do vaso. Podemos recortar se queremos o que nos sobra de folio.

2.- Pintamos dúas frechas no folio, con cores vivas para que destaquen ben. As frechas deberán estar na mesma dirección, apuntando ao mesmo lado: esquerda ou dereia.

Nin Hitchcock o tivese dirixido mellor

 3.- Colocamos o folio coas dúas frechas detrás do vaso, o cal aínda non ten nada de auga.

4.- Enchemos de auga ata que esta cubre a primeira frecha, a que está máis abaixo, loxicamente.

Que foi o que aconteceu???

 As frechas cambiaron de dirección cando a auga chegou a cubrilas. Aquí vos deixo un vídeo en castelán no que se explica o que acontece.