Ciencias III

De ás
Mércores, 29 de abril de 2020



Bos días, comezamos co noso día da ciencia. Hoxe traiovos un comunicado da mestra Luísa, a cal, como saberedes é a mestra de ciencias da natureza do grupo de 1ºA. Ela está a subir tarefas na páxina correspondente do centro. Trátanse de pequenas explicacións sobre os catro temas que estiveron traballando nas aulas nos últimos catro meses. Así mesmo, tamén hai unha serie de fichas que vos pide que se as fan as enviedes ao seu correo electrónico. Déixovos aquí o comunicado e as actividades.

TAREFAS LUÍSA

 
Dinme os meus pequenos paxariños que o kahoot de animais vertebrados foi todo un éxito. Así que esta semana volvemos a repetir. Aínda que subindo un chisquiño a dificultade. Ademais das preguntas que se realizaron a semana pasada do estilo: que tipo de animal é este?, esta semana incorporo preguntas de verdadeiro é falso sobre as características xerais dos animais vertebrados. Así tamén introduzo conceptos como ovíparo -reprodúcese por ovos- ou vivíparo -paren crías vivas-. Estes conceptos son cruciais para continuar as ensinanzas en segundo de primaria e carecen de dificultade algunha, polo que me animei a introducilas nesta ocasión.

Tamén, para facilitar un pouco o repaso, atopei unha serie de vídeos que explican brevemente as características dos animais vertebrados e os seus tipos. 

Vídeo sobre os peixes:



Vídeo sobre os anfibios:


Vídeo sobre os réptiles:


Vídeo sobre os mamíferos:


Vídeos sobre as aves:



Unha vez vistos os vídeos, aquí vos deixo o Kahoot para que poidades responder e xogar:

KAHOOT DE ANIMAIS VERTEBRADOS II


O Kahoot estará dispoñible ata:

MARTES,  5 de ABRIL de 2020, ás 20:00

E xa para despedirme de vós, recoméndovos un novo documental que trata sobre algo bastante complicado de explicar: a evolución das especies. En este caso, céntrase en como foron aparecendo as primeiras formas de vida animal na época cámbrica e como estas se foron transformando e adaptando á vida fóra da auga.

O documental pertence á serie de Caminando da televisión pública británica: BBC, que repasa algunhas das etapas máis importantes da evolución animal. No seu día recibiu numerosos premios e a pesares de que quizais hoxe as animacións feitas por ordenador desta época xa non resultan nin tan impresionantes nin tan logradas, si que a información que contén e que transmite resulta marabillosa.


Comentarios

Publicar un comentario

Publicacións populares deste blog

Libros de santillana gratis

De ás
Imaxe
Martes, 21 de abril de 2020 Hoxe a editorial santillana enviou ao centro docente un correo electrónico informándonos de que debido á situación que estamos vivindo decidían publicar en liña os libros do segundo e do terceiro trimestre de forma gratuíta para todo o mundo, tivesen ou non esa editorial.  Aquí vos deixo os libros que enviaron das dúas asignaturas de lingua galega e lingua castelá.  Lingua galega   Lengua castellana A copia dixital que enviaron non permite ser imprimida directamente, pero si que se pode realizar capturas de pantallas que despois se impriman ou, posiblemente mellor ca iso, poderían realizarse nun caderno copiándoas.  Esperamos que vos resulten útiles.
Ler máis>>

Mes das letras II

De ás
Imaxe
Domingo, 3 de maio de 2020 E aquí vos traemos unha nova entrega de A galiña azul , espero que a disfrutedes. A próxima entrega será o vindeiro sábado día 9 de maio. Para ver o primeiro episodio, atópase no seguinte enlace .
Ler máis>>

Mes das letras I

De ás
Imaxe
Venres, 1 de maio de 2020 Hoxe é o día do traballo, polo que respectarei o ben merecido descanso e non subirei a actividade correspondente de inglés. Non obstante, tamén é o inicio do mes de maio: o mes das letras. E iso si que non o penso perdoar. Posiblemente este ano serán as letras galegas máis raras de todas, incluso se retrasará a cerimonia na que se lle rendirá homenaxe a Ricardo Carvalho Calero ata finais do ano. No noso blog queremos adicar un momento ao noso idioma e as nosas letras, que tanto esforzo costaron manter e traer vivas ao día de hoxe. Para engadir o noso pequeniño grao de area a manter vivas esas mesmas letras tráiovos o que para min resulta o mellor conto infantil escrito en galego ou en calquera outro idioma: a galiña azul de Carlos Casares. Hoxe toca a primeira parte, que continuarei nos vindeiros días. Espero que o disfrutedes! A próxima entrada estará dispoñible o próximo domingo 3 de maio de 2020. Vémonos!
Ler máis>>