English I

De ás
Venres, 3 de abril de 2020

E xa estamos a Venres, día de venus... aínda que agora todos parecen domingo. 

Hoxe nos toca un pouco de inglés. A semana pasada vos recomendaba tres cancións cos números en inglés e agora é o momento de poñer en práctica o aprendido. 

Primeiro repasaremos as cancións:

Numbers from 1 to 10



Numbers from 10 to 20




Numbers from 1 to 20 (gets faster)





E agora a poñelo en práctica. E vos dou dúas opcións, segundo as vosas posibilidades. 

No caso de que non dispoñades dun ordenador ou no móbil non funcionen adecuadamente estes xogos, o alumnado poden cantar as cancións e intentar seguir o ritmo da terceira canción. Esta terceira canción -numbers from 1 to 20- ten tres niveis de dificultade con velocidades cambiantes, que intenten cantar ao ritmo máis rápido que poidan.  

E se o alumnado dispón dun ordenador e o pode utilizar durante uns minutos... Aquí vos deixo un xogo para traballar os números.

Numbers game de Mundo Primaria

Trátase de arrastrar o número de ósos que indica o audio. Moita atención!


 Numbers game de Cerebriti

Esta esixe un pouco máis de nivel porque hai que recoñecer por escrito os números, algo que o alumnado de primeiro aínda non sabe facer, pero si que poden aprender. Tras dúas veces que fallen atoparán a solución.







E xa, para finalizar, unha última recomendación. Trátase dunha aplicación móbil na que poder practicar inglés e calquera outro idioma que desexedes. Non está pensada especialmente para nenas e nenos de primeiro de primaria, pero si que permite unha progresión de dificultade que lles pode axudar a adquirir moito vocabulario. A aplicación chámase Duolingo, está dispoñible tanto para android como para apple. É totalmente gratuita.

Ao comezar debedes escoller o motivo polo que queredes aprender inglés -aínda que marquedes o que marquedes non vai cambiar nada- e o compromiso de tempo que lle queredes adicar. Ademais tamén vos pide que indiquedes o voso nivel. 

As actividades que inclúen son maioritariamente de vocabulario e de construción de oracións. 

Se queredes manter unha regularidade no traballo do inglés dende un nivel moi básico e non tedes un manual por escrito, vos recomendo que empreguedes esta aplicación.

Comentarios

Publicar un comentario

Publicacións populares deste blog

Libros de santillana gratis

De ás
Imaxe
Martes, 21 de abril de 2020 Hoxe a editorial santillana enviou ao centro docente un correo electrónico informándonos de que debido á situación que estamos vivindo decidían publicar en liña os libros do segundo e do terceiro trimestre de forma gratuíta para todo o mundo, tivesen ou non esa editorial.  Aquí vos deixo os libros que enviaron das dúas asignaturas de lingua galega e lingua castelá.  Lingua galega   Lengua castellana A copia dixital que enviaron non permite ser imprimida directamente, pero si que se pode realizar capturas de pantallas que despois se impriman ou, posiblemente mellor ca iso, poderían realizarse nun caderno copiándoas.  Esperamos que vos resulten útiles.
Ler máis>>

English IX

De ás
Imaxe
Venres, 5 de xuño de 2020 E xa chegamos ao final da semana e coma sempre, teremos a nosa ración de English. Nesta ocasión, faremos un gran repaso do traballado até de agora, centrándonos especialmente nos obxectos da clase. Para todo isto teremos un kahoot de repaso xeral: preposicións, números, cores e roupa e, a parte, faremos unha serie de exercicios dos obxectos da aula en liveworksheets. Así mesmo, tamén teremos unha nova ampliación do noso xogo de mesa: memory card . Así que, sen máis demora, imos aló! KAHOOT DE REPASO Primeiro o kahoot de repaso cos conceptos de número, preposición, cores e a roupa. Xa sabedes como funciona, así que ánimo e a por el! Como é costume o kahoot estará dispoñible por unha semana, así que podedes facelo tantas veces como queredes até: Xoves, 11 de xuño de 2020, ás 20:00 REPASO DOS OBXECTOS DA CLASE Volveremos a ter un liveworksheet. Nesta ocasión un bastante longo con moitas actividades incorporadas. Lembrade que para...
Ler máis>>

English II - Novas aplicacións recomendadas

De ás
Imaxe
Venres, 10 de abril de 2020 A semana pasada recomendaba o uso dunha aplicación para traballar nestes tempos de casa co alumnado, esa aplicación era o duolingo. Despois de que pasase unha semana, moita xente alcanzaría xa un bo nivel na mesma e observaría que nos atopamos ante un problema: a dificultade comeza a ser demasiado alta nos seus exercicios. Se ben é certo que as primeiras partes son bastante asequibles e case non implican a escritura ou a lectura, a medida que avanzas na aplicación comeza a ser máis e máis preciso.  Por ese motivo hoxe vos traio unha batería de aplicacións para que escollades entre elas cal se axusta mellor ao que queredes traballar en casa. Así mesmo, acompaño unha breve valoración tras empregala durante uns minutos. Nesta opinión tiven en conta os seguintes aspectos: Gratuíta . Hai moitas aplicacións e podemos clasificalas en tres grupos: gratuítas con anuncios, versións de proba gratuítas -pero que despois de avanzar un tempo ou uns contidos...
Ler máis>>